Agentlik sədri şəhid polkovnik-leytenant Nail Orucovun ailəsini ziyarət edib

Müstəqil.az informasiya agentliyi  xəbər verir ki,

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin sədri Vüqar Behbudov şəhid polkovnik-leytenant Nail Orucovun Astara şəhərində yaşayan ailəsini ziyarət edib.

Metbuat.az bu barədə Nazirliyə istinadən xəbər verir.

Nail Orucov Vətən müharibəsi zamanı Qubadlı istiqamətində gedən döyüşlərdə şəhid olub. Şəhidimizin ailəsi ilə söhbət zamanı onun vətənpərvərliyindən, keçdiyi döyüş yolundan, göstərdiyi qəhrəmanlıqlardan danışılıb.

V.Behbudov ailənin sosial vəziyyəti ilə tanış olub. Hər bir şəhid ailəsi kimi Nail Orucovun ailəsinin və vətənə əmanət qalan 3 övladının həmişə dövlətin qayğısı ilə əhatə olunacağını qeyd edib. Şəhidin həyat yoldaşı onlara göstərilən diqqətdən razı olduğunu bildirib.

Qeyd edək ki, ailənin yaşadığı küçəyə şəhidimizin adı verilib.

You must enable Javascript on your browser for the site to work optimally and display sections completely.