“Zəlzələ səbəbindən həyət evlərinə tələbat artacaq”

Müstəqil.az informasiya agentliyi  xəbər verir ki,

Mütəxəssislərin fikrincə, binalar bir-birinə nə qədər yaxın inşa edilərsə, zəlzələ zamanı dağıntı və təlafat bir o qədər çox olur. Paytaxt Bakıda da az qala bir-birinə söykənərək inşa edilən yüzlərlə bina var.

Metbuat.az xəbər verir ki, əmlak məsələləri üzrə ekspert Ramil Osmanlı “Xəzər Xəbər”ə bildirib ki, 2019-cu ilə qədər inşa edilmiş binaların əksəriyyəti ara məsafəsinə əməl edilmədən tikilib.

Ekspert qeyd edib ki, hətta sıxlıq əmsalı tətbiq ediləndən sonra da bir çox ərazilərdə binaların yerləşməsi ilə bağlı qaydaların kobud şəkildə pozulması müşahidə edilir.

Ramil Osmanlının sözlərinə görə, bir-birinə yaxın inşa edilən binalar təhlükəsizlik baxımından böyük risk daşıyır. Digərindən cəmi bir neçə metr aralıda inşa edilən onlarla binanın həyətində cəmi bir avtomobil keçəcək qədər məsafə qoyulur. Bu isə fəlakət anında əraziyə girişi də tamamilə bloklamış olur.

Ekspertlər hesab edirlər ki, qarşıdakı illərdə vətəndaşlar daha çox həyət evlərindən mənzil almağa üstünlük verəcəklər.

You must enable Javascript on your browser for the site to work optimally and display sections completely.