Sumqayıt şəhərində “KOB Fest” sərgi-satış yarmarkası keçiriləcək

Müstəqil.az informasiya agentliyi  xəbər verir ki,

İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) təşkilatçılığı ilə keçirilən növbəti “KOB Fest” sərgi-satış yarmarkası iyunun 11-də Sumqayıt şəhərində təşkil olunacaq.

Bu barədə Metbuat.az KOBİA-ya istinadən xəbər verir.

KOBİA Sumqayıt şəhərinin sakinlərini və qonaqlarını “KOB Fest”ə dəvət edir. Yarmarkada KOB subyektləri tərəfindən istehsal edilən qida və qeyri-qida məhsulları, eləcə də sənətkarların və yaradıcı şəxslərin əl işləri nümayiş olunacaq və satışı həyata keçiriləcək. “KOB Fest” çərçivəsində həmçinin, təhsil, informasiya texnologiyaları, maliyyə və s. xidmət sahələrində fəaliyyət göstərən KOB-ların xidmətləri təqdim olunacaq.

Festivalda sahibkarlar arasında əməkdaşlığın genişləndirilməsi üçün ikitərəfli görüşlər keçiriləcək və mədəni-əyləncəli proqram təşkil ediləcək.

Aprel ayından start götürən “KOB Fest” sərgi-satış yarmarkasının təşkilində məqsəd müvafiq şəhər və rayonlarda fəaliyyət göstərən KOB subyektlərinin istehsal etdiyi məhsulların satışına dəstək olmaq, yerli məhsulları tanıtmaq, eləcə də istehsalçılar və təchizatçılar arasında əlaqələri genişləndirməkdir.

Sumqayıt şəhərində Nəsimi Parkında təşkil olunacaq “KOB Fest” sərgi-satış yarmarkası saat 10:00-dan 20:00-dək ziyarətçilər üçün açıq olacaqdır.



You must enable Javascript on your browser for the site to work optimally and display sections completely.


Başa dön tuşu