Müstəqil.az informasiya agentliyi  xəbər verir ki,

Azərbaycan Ordusunun iki hərbi qulluqçusu vəfat edib.

Bu barədə Musteqil.az-a Müdafiə Nazirliyindən bildirilib.

Məlumata görə, hərbi qulluqçular – tibb xidməti polkovnik-leytenantı Quliyev Fikrət Tofiq oğlu və gizir Qəmbərov Ruzi Adil oğlu xəstəlikdən vəfat ediblər.

Qeyd edilib ki, polkovnik- leytenant F.Quliyev uzun müddət onkoloji xəstəlikdən, gizir R.Qəmbərov isə sol arxa beyin arteriyası hövzəsinin işemik insultu, serebral koma diaqnozu ilə hərbi tibb müəssisəsində müalicə olunurdular.

Həkimlərin səyinə baxmayaraq hərbi qulluqçularımızın həyatını xilas etmək mümkün olmayıb.

Müdafiə Nazirliyinin rəhbərliyi dünyasını dəyişən hərbi qulluqçularımızın yaxınlarına dərin hüznlə başsağlığı verir.



You must enable Javascript on your browser for the site to work optimally and display sections completely.


//lephaush.net/4/5013541