Müstəqil.az informasiya agentliyi  xəbər verir ki,

Bu gün 10 min əsgər kazarmaları tərk edir, 100-dən çox texnika, 200-ə qədər artilleriya, 30-a qədər döyüş təyyarəsi və PUA-ların iştirakı ilə anti-terror təlimləri başlayır.

Məqsəd dağlıq-meşə və çətin relyefli ərazilərdə ümumqoşun birlikləri, Raket və Artilleriya Qoşunları, aviasiya, Xüsusi Təyinatlı Qüvvələr arasında döyüş uzlaşmasını məşq etməkdir.

Diqqətçəkən məqamlar:

– 44 günlük müharibədən sonra ordunun ilk genişmiqyaslı hərbi təlimlər keçirməsi: döyüş başa çatıb və 4 aylıq fasilədən sonra ordunun hazırlıq vəziyyəti yoxlanılır;

– Bütün növ qoşun növlərinin XTQ-nin əməliyyat-taktiki gedişlərinə uyğunlaşdırılması: bundan sonra ordunun əməliyyat taktikası xüsusi təyinatlılarla koordinasiya üzərində qurulur;





– Terrorçu dəstələr (qruplar), həmçinin qanunsuz silahlı qruplaşmalara qarşı mübarizə və anti-terror əməliyyatları: Qarabağ münaqişəsi həll edilib, Azərbaycanın qonşu ölkələrə qarşı hərbi iddiası yoxdur, hədəf taxtasında ölkə daxilindəki qanunsuz silahlı birləşmələr və terrorçu qruplaşmalardır;

Hədəf nədir?

Cari: Qarabağdakı terrorçu qruplaşmaların çıxarılması tələbini masada daha güclü şəkildə irəli sürmək;

Ortamənzilli: Danışıqlarla həll edilmirsə, mümkün anti-terror əməliyyatının keçirilməsi;

Burada iki məqam xüsusilə önəmlidir:

1.Təlimlərin hədəfi – qanunsuz silahlı qruplaşmalarla mübarizə və anti-terror əməliyyatı – rəsmi Bakının “Azərbaycanın ərazi bütövlüyü təmin edilib”, “Qarabağdakı silahlı qruplaşmalar qanunsuzdur və onlara qarşı addımlar anti-terror xarakteri daşıyacaq” mövqeyinin hərbi müstəvidə nümayiş etdirilməsidir;

2. Masada istəyimizə nail olmasaq, anti-terror əməliyyatı Xankəndidə yox, erməni silahlı birləşmələrin Azərbaycan Ordusu ilə üzbəüz dayandığı ətraf ərazilərdə keçirilə bilər və bu, ruslara qəti mövqe nümayiş etdirmək məqsədi daşıyacaq;

Putinin Əliyevə zənginin arxasındakı səbəblərdən biri də məhz bu təlimlər idi: ruslar məsələlərin masada həllində maraqlıdır və bununla həm vaxt qazanır, həm də sülhməramlı imicini qorumağa çalışır.

Asif Nərimanlı

By admin

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir