Bu gün daha 6 qrupda 15 oyun keçiriləcək

Müstəqil.az informasiya agentliyi  xəbər verir ki,
Bu gün keçiriləcək 15 görüşlə 2022-ci il dünya çempionatının Avropa zonası üzrə seçmə mərhələsində II tura yekun vurulacaq.

Publika.az xəbər verir ki, ikinci oyun günündə qarşılaşmalar B, C, D, F, I və J qruplarına təsadüf edəcək.

B qrupunda lider İsveç yığması hələ matça çıxmayan Kosovonu qəbul edəcək. Daha bir qarşılaşma ilk turu məğlubiyyətlə başa vurmuş Gürcüstan və öz meydanında Yunanıstanla heç-heçə etmiş İspaniya milliləri arasında keçiriləcək.

C qrupunun liderlərindən olan İsveçrə yığması hələ oyun keçirməyən Litvanı qəbul edəcəksə, İtaliya xalsız Bolqarıstanın qonağı olacaq.

D qrupunda ilk turu heç-heçə ilə başa vurmuş Ukrayna və Finlandiya milliləri qarşılaşacaq. Qazaxıstan isə debütdə son dünya çempionu Fransanı qəbul edəcək.

F qrupunda lider Danimarka Moldovanı, xalsız İsrail Şotlandiyanı sınağa çəkəcək. Daha bir görüş ilk turu heç-heçə ilə başa vurmuş Avstriya və Farer adaları yığmaları arasında olacaq.

I qrupunda ilk turu qələbə ilə başa vurmuş Albaniya və İngiltərə yığmaları qarşılaşacaq. Eyni zamanda Polşa Andorranı, San Marino – Macarıstanı qəbul edəcək.

Nəhayət, J qrupunda ilk turdan qalib ayrılmış Rumıniya və Almaniya yığmaları üz-üzə gələcək. Həmçinin, Ermənistan İslandiyanı, Şimali Makedoniya Lixtenşteyni sınağa çəkəcək.

DÇ-2022, seçmə mərhələ

II tur

28 mart

B qrupu

20:00. Gürcüstan – İspaniya

22:45. Kosovo – İsveç

Xal durumu: İsveç – 3, Yunanıstan – 1, İspaniya – 1, Kosovo – 0 (oyun keçirməyib), Gürcüstan – 0





C qrupu

22:45. Bolqarıstan – İtaliya

22:45. İsveçrə – Litva

Xal durumu: İsveçrə – 3, İtaliya – 3, Litva – 0 (oyun keçirməyib), Bolqarıstan – 0, Şimali İrlandiya – 0

D qrupu

17:00. Qazaxıstan – Fransa

22:45. Ukrayna – Finlandiya

Xal durumu: Bosniya və Herseqovina – 1, Finlandiya – 1, Ukrayna – 1, Fransa – 1, Qazaxıstan – 0 (oyun keçirməyib)

F qrupu

20:00. Danimarka – Moldova

22:45. İsrail – Şotlandiya

22:45. Avstriya – Farer adaları

Xal durumu: Danimarka – 3, Avstriya – 1, Şotlandiya – 1, Farer adaları – 1, Moldova – 1, İsrail – 0.

I qrupu

20:00. Albaniya – İngiltərə

22:45. Polşa – Andorra

22:45. San Marino – Macarıstan

Xal durumu: İngiltərə – 3, Albaniya – 3, Polşa – 1, Macarıstan – 1, Andorra – 0, San Marino – 0

J qrupu

20:00. Ermənistan – İslandiya

22:45. Rumıniya – Almaniya

22:45. Şimali Makedoniya – Lixtenşteyn

Xal durumu: Almaniya – 3, Rumıniya – 3, Ermənistan – 3, Şimali Makedoniya – 0, Lixtenşteyn – 0, İslandiya – 0.

Qeyd edək ki, turun 10 oyunu martın 27-də keçirilib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Call Now Button Whatsapp