Müstəqil.az informasiya agentliyi  xəbər verir ki,

Ermənistanın müharibədən yayınması yalnız erməni tərəfi Qarabağın statusu olmadan ətrafındakı 7 bölgəni geri qaytarmağa razı olduqda mümkün olacaqdı.

Publika.az xəbər verir ki, bunu Ermənistanın baş naziri Nikol Paşinyan deyib.

O bildirib ki, “hazırkı hakimiyyətin daha çevik siyasəti sayəsində Qarabağdakı müharibənin qarşısını almaq olardı” kimi bəyanatlar yersizdir: “Bu tezisi təbliğ edənlər bir suala cavab verməlidir: niyə “çevik” siyasətlə 2016-cı ilin Aprel müharibəsindən qaçmaq mümkün deyildi? 2014 və 2015-ci illərdə də vəziyyət kəskinləşmişdi”.

Onun sözlərinə görə, 2016-cı ildə Rusiya təklifləri dövriyyəyə buraxıldı və bu təkliflərdə 7 bölgənin (5 + 2) Qarabağın statusu göstərilmədən geri qaytarılması nəzərdə tutulurdu: “Rusiya niyə belə bir təkliflə çıxış etdi? Sadə bir səbəbə görə: Ermənistanın “çevik” siyasəti üzündən “Madrid prosesi” çıxılmaz vəziyyətə gəldi, çünki Azərbaycan Qarabağa hər hansı status verilməsini istəmirdi”.





Paşinyanın nöqteyi-nəzərindən həm Rusiya, həm də hər kəs üçün aydın idi ki, Azərbaycan bu variantla heç vaxt razılaşmayacaq və buna görə də çıxılmaz vəziyyətdən çıxmaq üçün metodlar tapmaq lazım idi: “Bəzilərinin Ermənistanın 2018-ci ildən sonrakı siyasətinin Rusiyaya meylli olmadığı iddiaları doğrudursa, niyə 2016-cı ildə “kifayət qədər Rusiyapərəst” siyasət şəraitində bu cür Rusiya təklifləri doğuldu və Aprel müharibəsi baş verdi?”

Baş nazir müharibədən çəkinməyin yeganə variantının Qarabağın statusunu unudaraq ərazilərdən imtina etmək olduğunu qeyd edib: “Ancaq nəzərə almırlar ki, bu vəziyyətdə Gorusun yanında, Eyvazlı bölgəsində bir Azərbaycan işarəsi görünəcək”.

Paşinyana görə, bütün bu ifadələr əsirlərin həyatını təhlükə altına qoyur.

Zümrüd

By admin

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir