Yunan yepiskopdan Türkiyəyə AĞIR SÖZLƏR: utancverici və insanlığın inkarı…

Müstəqil.az informasiya agentliyi  xəbər verir ki,

İstanbulda Ayasofya məscidinin yenidən ibadətə açılmasından hiddətlənən yunan Baş yepiskop Yeronimos adıçəkilən məsciddə düzənlənən cümə namazı haqda “Mədəniyyət adına utancverici və insanlığın inkarı” sözlərini işlədib.

Teleqraf.com xəbər verir ki, xristian din xadimi Ayasofya məscid kimi fəaliyyətini davam etdirməsinə hiddətini gizlədə bilməyib.

O, “Çağımızın ən böyük təhlükəsi olan barbarlığın yayılmaması üçün dua etdik”, deyə bildirib.

Baş verənlərə etiraz olaraq Selanikdə Hagia Sofia kilsəsində keçirilən dini ayindən sonra nasist “Qızıl şəfəq” və “Müqəddəs tabor” təşkilatının üzvləri kilisənin önündə və Türkiyənin baş konsulluğunun yaxınlığında qardaş ölkənin bayrağını yandırıblar.





Qeyd edək ki, 86 il sonra Ayasofiyanın ibadətə açılması dünya mətbuatında böyük maraq yaradıb. Ayasofiya məscidində Quran oxunması Yunanıstan televiziyasında canlı olaraq yayımlanıb.

Digər tərəfdən, müxtəlif dini və millətçi qrupların bir çox şəhərlərdə, xüsusən Afina və Salonikidə etiraz aksiyaları keçirməsi gözlənilir.

İstanbulun fəthinə qədər 916 il ərzində kilsə olaraq, 1453-cü ildən 1934-cü ilə qədər məscid kimi istifadə edilən Aya Sofya 86 il muzey kimi fəaliyyət göstərib

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Call Now Button Whatsapp