Tehran üçün BÖYÜK TƏHLÜKƏ: xəbərdarlıq siqnalları çalınır

Müstəqil.az informasiya agentliyi  xəbər verir ki,

İranın paytaxtı Tehranda havanın çirkliliyi xroniki problemlərdən birinə çevrilib.

Publika.az xəbər verir ki, çirkliliyin riskli dərəcədə artması səbəbilə şəhər miqyasında tədrisə ara verilib.

Şəhərin müxtəlif nöqtələrinə təcili tibbi yardım avtomobilləri yerləşdirilib. İctimai məkanlarda maska ilə gəzməyə məcbur olan vətəndaşlar çirkli havanın müxtəlif tənəffüs yolları xəstəliklərinə səbəb olduğunu və gözlərinin yandığını bildirir.

Tehran Şəhər Bələdiyyəsi paytaxtın illərdir həllini tapa bilməyən hava çirkliliyi ilə mübarizə apara bilmək üçün velosipeddən istifadəyə təşviq, tək və cüt dövlət nömrə nişanlı avtomobillərin növbəli hərəkəti, yeni metro xətlərinin istifadəyə verilməsi, köhnə avtomobillərin istifadəsinə qadağa, fabriklərin şəhərdən kənara çıxarılması kimi bir çox layihələr həyata keçirməyə çalışsa da, şəhərin hava dövriyyəsinə uyğun olmayan coğrafiyası və əhalinin sıxlığı hər il qış aylarında eyni problemlərin ortaya çıxmasına səbəb olur.

Əhali istifadə olunan avtomobil markalarının və yanacağın keyfiyyətsiz olmasından şikayətlənir və elektriklə işləyən avtomobillərə keçid etməyi istəyir.

Ümumdünya Səhiyyə Təşkilatının hesabatına görə, hər kubmetrə düşən 25 mikroqram çirkli hissəcik hava çirkliliyində ən üst səviyyədir. Buna PM 2,5 sərhədi deyilir. 100-dən çox aşkar edilən faizlər səhhətə zərərli, 250-dən çox isə xəbərdarlıq kimi dəyərləndirilir.

Hazırda Tehranda bu rəqəm 158-dir.

Zümrüd

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir