Bu havada nəfəs almaq siqaretdən 350 qat daha təhlükəlidir

Müstəqil.az informasiya agentliyi  xəbər verir ki,

Bir çox insanlar yandırılmış xəzəl qoxusundan zövq alır. Lakin məlum olub ki, bu, sağlamlığa ciddi ziyan vurur.

Publika.az Ukrayna mətbuatına istinadən xəbər verir ki, ekoloq Svetlana Berzina saralmış payız yarpaqlarının yandırılması zamanı meydana gələn hava tullantılarının siqaret tüstüsündən 350 qat daha zərərli olmasını bildirib.

Bəs niyə bu qədər təhlükəlidir?

İş ondadır ki, xəzəllər nəm şəkildə yandırıldıqda tüstüləyir. Nəticədə dəm qazı yaranır. Ancaq bundan əlavə benzopiren kimi kanserogen maddə meydana gəlir. Məlum olduğu kimi, kanserogen maddələr xərçəng riskini artıra bilər.

Siqaretin təhlükəsi haqqında hamımız bilirik. Ancaq həqiqət budur ki, əgər xəzəllərin yandığı tonqalın yanında olsanız və bu hava ilə nəfəs alsanız – bu, siqaretdən 350 dəfə daha təhlükəlidir.

Təəssüf ki, yarpaqların yandırılması adi hal kimi qəbul edilir. Hətta məşhur rəvayət var: yarpaqları yandırsan, torpaq daha münbit olacaq. Lakin mütəxəssislər bunun belə olmadığını deyir. Bu, nəinki havanı korlayır, həm də ağciyərlərinizə zərər verir.

Aytən Məftun

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir