Gürcüstanda xüsusi əməliyyat keçirildi, yüksək vəzifəli şəxslər saxlanıldı

Müstəqil.az informasiya agentliyi  xəbər verir ki,

Acarıstan MR-in Baş Prokurorluğu saxlanılan yüksək vəzifəli şəxslərlə bağlı məlumat yayıb.

“Report”un Gürcüstan bürosu xəbər verir ki, məlumata əsasən, 7 şəxs saxlanılıb.

Onların arasında muxtar respublikanın maliyyə və iqtisadiyyat nazirinin müavini Arçil Vanadze, vitse-mer Tengiz Petridze və təhsil naziri səlahiyyətlərini icra edən Baqrat Manvelidze var.

Batumi şəhər meriyası departamentlərinin 3 rəhbər şəxsi də saxlanılıb.

Şəhərin sabiq meri Giorgi Yermakov da saxlanılanlar arasındadır.

Saxlanılan şəxslər Batumidə həyata keçirilən “Ucuz ev” layihəsi ilə bağlı israfçılıq və vəzifə səlahiyyətlərindən sui-istifadədə günahlandırılırlar.


***

Gürcüstanın Acarıstan Muxtar Respublikasının (MR) paytaxtı Batumi şəhərində xüsusi əməliyyat keçirilib.

“Report”un Gürcüstan bürosu xəbər verir ki, əməliyyat zamanı Batumi meriyasının yüksək vəzifəli bir neçə əməkdaşı saxlanılıb.

Saxlanılanlar arasında həmçinin MR-in təhsil naziri səlahiyyətlərini icra edən Baqrat Manvelidze və vitse-mer Tengiz Petridze də var.

Batumi şəhərinin sabiq meri Giorgi Yermakovun da saxlanıldığı bildirilir.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir