Azərbaycanda 500 min dollara təyyarə satılır

Müstəqil.az informasiya agentliyi  xəbər verir ki,

Azərbaycanda elan saytlarında və sosial şəbəkələrdə təyyarə satılır.

Bununla bağlı satış quruplarında elanlar yerləşdirilib.

Satışa iki ədəd “Boeing-747” təyyarələri çıxarılıb.

Məlum oldu ki, təyyarəni satan şəxs paytaxt sakini Əminağa Hacıyevdir. Müsahibimiz bildirir ki, elanda olan təyyarə hazırda İndoneziyadadı və o, burada sadəcə vasitəçi rolunu oynayır.

Onun sözlərinə görə, həmin təyyarələrin istifadə müddətləri başa çatıb. Belə təyyarələr əsasən hostel və restoran edilməsi məqsədi ilə alınır.


Təyyarələrin bir ədədinin qiyməti 500 min dollardan başlayır.

Təyyarə motorunun 15 günlük kirayəsi isə minimum 30-40 min dollara başa gəlir.

Onun sözlərinə görə, bu dünya təcrübəsində geniş yayılıb. Məsələn, Hollandiyada təyyarə oteli, İranda isə təyyarə restoranı var.

Əminağa Hacıyev deyir ki, bu təyyarələri alıb hava nəqliyyatında da istifadə etmək olar. Bu cür motorlu təyyarələrin 1 ədədinin qiyməti isə 2 milyon dollardan başlayır. (xezerxeber.az)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Call Now Button Whatsapp