Bakıda silahlı şəxslər həbs edildi

Bakıda silahlı şəxslərin həbsi ilə bağlı xüsusi
əməliyyat keçirilib.

Publika.az xəbər verir ki, Nərimanov rayon Polis İdarəs 18-ci
polis bölməsi əməkdaşlarının əməliyyat tədbirləri nəticəsində Bakı
şəhər sakini, əvvəllər məhkum olunmuş Radik Ələsgərov həbs
edilib.

Ondan 1 ədəd nömrəsi silinmiş “Makarov” markalı tapança, 1 ədəd
patron darağı və 5 ədəd patron götürülüb.

Daha bir əməliyyatı Nəsimi rayon Polis İdarəsi 21-ci polis
bölməsinin əməkdaşları keçirib. Əməliyyat tədbirləri nəticəsində
şübhəli bilinən Bakı şəhər sakini, əvvəllər məhkum olunmuş Nurəddin
Məmmədov həbs edilib.

Ondan “Makarov” markalı tapança, 1 ədəd patron darağı və 8 ədəd
patron götürülüb.

Hər iki faktla bağlı cinayət işi başlanıb.

Hacı Zeynalov