Şirvanda 2 uşaq atası itkin düşdü

Şirvanda 40 yaşlı iki uşaq atası dörd gündür ki, itkin
düşüb.

APA-nın məlumatına görə, 40 yaşlı Şirvan sakini İbrahimov Rövşən
Vladimir oğlu 23 fevral, axşam saat 18.44-də işə getmək adı ilə
evdən çıxıb və bir daha geri qayıtmayıb. Rövşən İbrahimov Şirvan
şəhər Əlillərin Regional Bərpa Mərkəzində gözətçi vəzifəsində
çalışırmış.

Həyat yoldaşı Şəbnəm İbrahimovanın dediyinə görə, o evdən
gedərkən mobil telefonunu evdə qoyub. Bu səbəbdən onunla əlaqə
saxlamaq mümkün olmayıb. Ailəsi Şirvan Şəhər Polis Şöbəsinə ərizə
ilə müraciət edib.