ABŞ-dan Bağdadi haqda YENİ XƏBƏR

ABŞ-ın başçılıq etdiyi beynəlxalq koalisiya İŞİD-in
lideri Əbubəkr əl-Bağdadinin ölü olması barədə yüzfaizli sübutlara
malik deyil.

Publika.az “RİA-Novosti” agentliyinə istinadən
xəbər verir ki, bu haqda koalisiyanın nümayəndəsi Rayan Dillon
bildirib.

“Koalisiya yüzfaizli dəqiq sübutlara malik deyil ki, o, ölüdür.
Güman edilir ki, o, sağdır”, – brifinqin gedişatında Dillon
deyib.

Onun sözlərinə görə, koalisiya həm İŞİD lideri, həm də
qruplaşmanın başqa yüksəkvəzifəli nümayəndələrinin axtarışlarına
davam edəcək.

Ömər Dağlı