Azərbaycanda bu yol pullu olacaq



Musteqil.az İnformasiya agentliyi, Publika.az-a istinadən xəbər verir ki,

Bakı-Quba-Rusiya dövlət sərhədi yeni avtomobil yolu
ödənişli olacaq.

Bunu Azərbaycan Avtomobil Yolları Dövlət Agentliyinin sədri
Saleh Məmmədov bildirib.

Onun sözlərinə görə, 2018-ci ildə qarşıya qoyulan əsas vəzifə
Bakı-Quba-Rusiya sərhədi yeni avtomobil yolunun tikintisidir.

“Bu yol Bakı – Rusiya sərhədinin 43-cü kilometrliyində yerləşən
Tağıyev qəsəbəsindən başlayır və 208-ci kilometrə qədər olan
məsafəni əhatə edir. Bu yol 4 cərgəli, 1-ci dərəcəli geniş yol
olacaq. Gələcəkdə bu yoldan istifadə Azərbaycanda ilk dəfə ödənişli
yol kimi nəzərdə tutulur”, – deyə S.Məmmədov əlavə edib.

Qeyd edək ki, Bakı–Quba–Rusiya Federasiyası ilə dövlət sərhədi
yeni avtomobil yolunun tikintisi ilə bağlı Azərbaycan Respublikası
Prezidentinin 2017-ci il 25 dekabr tarixli fərmanının 1.14.3.3.9-cu
yarımbəndində nəzərdə tutulmuş vəsaitdən Azərbaycan Avtomobil
Yolları Dövlət Agentliyinə 150 milyon manat ayrılıb. (apa)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Call Now Button Whatsapp