Ötən gün ölkə ərazisində 104 cinayət hadisəsi baş verib

Ötən gün respublikanın daxili işlər orqanları tərəfindən
gün ərzində 104 cinayət faktı qeydə alınıb, onların da 15-i “isti
izlər”lə açılıb.

Publika.az xəbər verir ki, axtarışda olan 41
nəfər saxlanılaraq aidiyyəti orqanlara təhvil verilib.

Respublikanın avtomobil yollarında 2 yol-nəqliyyat hadisəsi baş
verib, hadisə nəticəsində 2 nəfər həyatını itirib.

Daxili işlər orqanları əməkdaşlarının həyata keçirdikləri
əməliyyat-axtarış tədbirləri nəticəsində narkotiklərlə əlaqəli 9
fakt müəyyən edilib.

Cinayət törətməkdə şübhəli bilinən 24 nəfər saxlanılıb.

Könül Cəfərli