BANM-ın müəlliminin nüfuzlu beynəlxalq jurnalda elmi məqaləsi dərc olundu



Musteqil.az İnformasiya agentliyi, Milli.az-a istinadən xəbər verir ki,

Bakı Ali Neft Məktəbinin (BANM) Neft-qaz mühəndisliyi kafedrasının müəllimi Samin Məliyin dünyanın ən nüfuzlu elmi jurnallarından biri olan “Dinamik və Kontrol sistemlər” (“Journal of Dynamical and Control Systems”) jurnalında elmi məqaləsi dərc olunub. 24 yanvar 2018-ci ildə dərc olunan məqalə “Kontrolda gecikməli diskret sistemlərdə birinci və ikinci tərtib Zəruri Optimallıq şərtləri” adını daşıyır.

Milli.Az xəbər verir ki, məqalədə yeni metod tətbiq edilməklə müasir mühəndislik və iqtisadi optimallaşdırma problemlərinin həllində tətbiq olunan “Eyler tip zəruri optimallıq şərtləri və xəttiləşmiş diskret maksimum prinsipi” alınmışdır. Diskret sistemlərdə optimallaşdırma məsələləri müasir riyaziyyatın ən prioritet tədqiqat sahələrindən olub, yeni çox funksiyalı texnoloji maşınların əlverişli iş prinsiplərinin təyinatı və həmçinin riyazi modelləri vasitəsi ilə gecikmiş və ya məhdudiyyətlər yaranmış bank ödənişlərinin optimal idarə olunması üçün mühüm əhəmiyyət daşıyır.

“Tomson” reytinqli “Dinamik və Kontrol sistemlər” jurnalı ABŞ’ın çox nüfuzlu “Springer” elmi jurnallar bazasında  olmaqla yanaşı “Kontrol və Optimizasiya” sahəsi üzrə dünyada 25 ən nüfuzlu elmi jurnallar siyahısındadır. Redaksiya heyəti ABŞ, Fransa və İtalya universitetlərinin professorlarından ibarət olan jurnal dünyaca məşhur  SCOPUS, SciSearch, INSPEC və ZentralblattMath kimi elmi araşdırmalar bazalarına da daxildir.

Qeyd edək ki, BANM-ın müəllimi Məlik Samin Böyük Britaniyanın Mançester Universitetində “Riyaziyyat və riyazi məntiq” ixtisası üzrə magistraturanı bitirib  və hazırda Azərbaycan Milli Elmlər Akademiyasının Riyaziyyat və Mexanika İnstitutunda prof. Misir Mərdanovun elmi rəhbərliyi altında “Optimal idarəetmə” ixtisası üzrə dissertantdır.

Milli.Az

Digər maraqlı xəbərlər Milli.Az-ın Facebook səhifəsində

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Call Now Button Whatsapp