Abşeronda işdən evə gələn kişi yolda bıçaqlanıb

Abşeron rayonunun Digah qəsəbəsində bıçaqlanma hadisəsi baş verib.

Milli.Az “Report”a istinadən bildirir ki,1980-ci il təvəllüdlü Qasımov Elsəvər Tahir oğlu işdən evə gələrkən yolda tanışı ilə mübahisə edib.

Əlbəyaxa dava zamanı tanışı ona bir neçə bıçaq zərbəsi vurub. Yaralı 1 saylı Kliniki Tibbi Mərkəzə yerləşdirilib.

Həkimlərin verdiyi məlumata görə, yaralı cərrahi əməliyyat olunaraq Reanimasiya şöbəsinə yerləşdirilib. Onun vəziyyəti orta-ağır kimi qiymətləndirilir.

Faktla bağlı Abşeron Rayon Polis İdarəsinin əməkdaşları hadisəni törədən şəxsin axtarışına başlayıb.

Milli.Az

Digər maraqlı xəbərlər Milli.Az-ın Facebook səhifəsində

Milli.Az-ın ən mühüm və maraqlı xəbərlərini “Telegram”da izləyin