Dizel yanacağının keyfiyyəti aşağıdır? – İddialara Neft Emalı Zavodu cavab verdi



Musteqil.az İnformasiya agentliyi, Milli.az-a istinadən xəbər verir ki,

Azərbaycanda Avro-4 adı ilə istehsal olunan dizel yanacağı əslində avro 3 standartına uyğundur və avtomobillərə ciddi zərər vurur. Bəzi avtomobil ustalarının bu iddialarına SOCAR-ın neft emalı zavodundan cavab gəlib. Milli.Az xəbər verir ki, zavodun baş mühəndisi Rasim İbrahimov bildirir ki, 2016-cı ilə qədər Azərbaycanda istehsal olunan dizel yanacağı ancaq avro 3 standartlarına cavab verirdi. Ancaq 2016-cı ildən başlayaraq bu sahədə ciddi dəyişikliklər baş verib.

Maraqlı bir məqam da var ki, Azərbaycana avro 4 standartı ilə yanaşı avro 5 standartına uyğun da müasir avtomobillər gətirilir. Azərbaycanda mövcud olan Avro 4 standartına cavab verən dizel bu avtomobillərin mühərrik sistemində problemlər yarada bilərmi?

Rasim İbrahimov bildirir ki, Azərbaycanda dizelə olan təlabat yüksəkdir və hər il zavod 1 milyon 600 min ton dizel, 1 milyon 200 min ton isə benzin istehsal edir. Hətta dizel yanacağı qonşu Gürcüstana da Azərbaycandan aparılır. Zavodun baş mühəndisi onu da qeyd etdi ki, dövlət başçısının tapşırığına əsasən neft emalı zavodunda hazırda böyük yenidəndurma işləri gedir. Aparılan təkmilləşdirmə və yenidənqurma işlərindən sonra zavodda 2020-ci ilin sonuna doğru avro 5 standartına cavab verən həm benzin, həm də dizel yanacağının istehsal edilməsi planlaşdırılır. Zavodun yenidənqurması üçün ayrılan vəsaitin həcmi isə 2 milyard dollardır. Yenidənqurma işlərini dünyanın bir sıra tanınmışneft emal sahəsində böyük təcrübəsi olan şirkətlər həyata keçirəcək. /xezerxeber.az

Milli.Az

Videonu izləmək üçün şəklə klikləyin:
Dizel yanacağının keyfiyyəti aşağıdır? - İddialara Neft Emalı Zavodu cavab verdi

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Call Now Button Whatsapp