Zəif ölkələr irəliləyir



Musteqil.az İnformasiya agentliyi, Milli.az-a istinadən xəbər verir ki,

Zəif inkişaf etmiş ölkələrdə ən yeni texnologiyalardan istifadədə irəliləyişə nail olunub. Bu qrupa daxil olan 47 dövlətdə əhalinin təxminən 60 faizinin istifadə etdiyi “3G” mobil internet sistemi fəaliyyət göstərir.

Milli.Az ICTnews-a  istinadən bildirir ki, bu barədə Beynəlxalq Telekommunikasiya İttifaqı və BMT-nin zəif inkişaf etmiş ölkələr, inkişaf etmiş ölkələr, dənizə çıxışı olmayan ölkələr və inkişaf etməkdə olan kiçik ada dövlətləri üzrə ali nümayəndəsi tərəfindən hazırlanan yeni hesabatda deyilir. BMT bu dövlətlərin daha çox sakinin internetdən yararlanması üçün ondan istifadəni daha da sadələşdirməyə çağırır.

“Bütün maraqlı tərəflərin – hökumət, vətəndaş cəmiyyəti və özəl sektorun innovasiyalar sahəsində uğurlu əməkdaşlığı və təcrübə mübadiləsini davam etdirməsi böyük əhəmiyyətə malikdir. Bu, rəqəmli texnologiyalardan istifadədə fərqi aradan qaldırmağa və zəif inkişaf etmiş ölkələrə informasiya-kommunikasiya texnologiyaları sahəsində inkişafı sürətləndirməyə kömək edəcək”, – BMT baş katibinin müavini və zəif inkişaf etmiş ölkələr, inkişaf etmiş ölkələr, dənizə çıxışı olmayan ölkələr və inkişaf etməkdə olan kiçik ada dövlətləri üzrə ali nümayəndəsi Fekitamoeloa Utoikamanu qeyd edib.

Hesabata görə, 2020-ci ilədək dünyanın zəif inkişaf etmiş ölkələrinin ərazisinin 97 faizi ucuz genişzolaqlı internet xidmətləri ilə təchiz ediləcək, bu isə öz növbəsində Dayanıqlı İnkişaf Məqsədlərini uğurla həyata keçirməyə imkan verəcək.

Milli.Az

Digər maraqlı xəbərlər Milli.Az-ın Facebook səhifəsində

Milli.Az-ın ən mühüm və maraqlı xəbərlərini “Telegram”da izləyin

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Call Now Button Whatsapp