Android ən sürətli Wi-Fi-ı tapacaq



Musteqil.az İnformasiya agentliyi, Milli.az-a istinadən xəbər verir ki,

“Android 8.1” (Oreo) əməliyyat sistemi istifadəçi simsiz şəbəkəyə qoşulmazdan əvvəl “Wi-Fi” şəbəkəsinin siqnal səviyyəsini və sürətini göstərməyə başlayacaq. Yeni funksiyanı aktivləşdirən yeniləmə bu həftə ərzində istifadəçilərin ixtiyarına veriləcək.

Milli.Az ICTnews-a  istinadən bildirir ki, dekabrda buraxılan “Android 8.1” hazırda geniş yayılmadığına görə ilk yeniləmələrlə əməliyyat sisteminin ən yeni versiyasının quraşdırıldığı “Pixel”, “Pixel 2”, “Nexus 6P” və “Nexus 5X” smartfon modelləri təmin ediləcək.  

Məlumata görə, “Android” sistemi “Wi-Fi” sürətini yalnız ictimai şəbəkələrə qoşulmazdan əvvəl göstərəcək. Parolla mühafizə edilən qapalı nöqtələr bu informasiyadan yararlana bilməyəcək.

Siqnalın səviyyəsini “Wi-Fi” nişanı göstərəcək: nişan nə qədər rəngli olsa, siqnal bir o qədər güclü olacaq. Şəbəkələr sürətə görə 4 kateqoriyaya bölünəcək: zənglər etməyə və mətnli bildirişlər göndərməyə imkan verən “Zəif”, saytlar açmağa və musiqi dinləməyə imkan verən “Normal”, eləcə də onlayn videoya baxmağa şərait yaradan “Sürətli” və “Çox sürətli”.  

Qoşulma sürətinin ekranda göstərilməsini işə salmaq üçün “Şəbəkə və internet” -> “Wi-Fi” -> “Wi-Fi sazlaması” -> “Əlavə sazlamalar” -> “Şəbəkələrin mənbə reytinqi” -> “Yox” funksiyalarına keçid almaq tələb olunur.  

Milli.Az

Digər maraqlı xəbərlər Milli.Az-ın Facebook səhifəsində

Milli.Az-ın ən mühüm və maraqlı xəbərlərini “Telegram”da izləyin

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Call Now Button Whatsapp