Bakıda metroda qatarın yoluna düşüb qaçan gənc olanları danışdı



Musteqil.az İnformasiya agentliyi, Milli.az-a istinadən xəbər verir ki,

Ötən gün “Bakı Metropoliteni”nin ”İnşaatçılar” stansiyasında relslərin üstündə düşərək təhlükə yaradan sərnişin saxlanılıb.

Milli.Az bildirir ki, həmin şəxs platformanın kənarında duraraq qatarın gəlib-gəlmədiyinə baxıb. Qatarın gəlmədiyinə əmin olduqdan sonra relslərin üstünə düşərək tunelə tərəf qaçıb. Görüntülər ötən gün axşam saatlarında metronun “İnşaatçılar” stansiyasındakı təhlükəsizlik kameralarına düşüb.

Özünü şübhəli aparan şəxs relslərin üzərinə düşdükdən sonra metronun “Elmlər Akademiyası” istiqamətinə qaçmağa başlayıb. Qatar stansiyaya çatan kimi metro işçiləri dərhal relslərdəki gərginliyi dayandırıblar. Daha sonra Bakı Metropolitenində polis şöbəsinin əməkdaşları həmin şəxsin axtarışına başlayıblar. Bir neçə polis əməkdaşının çevikliyi ilə çox çəkməyib ki, həmin şəxs saxlanılıb.

Məlum olub ki, həyatını təhlükəyə ataraq reslərin üstü ilə qaçan şəxs Şəmkir rayon sakini 26 yaşlı Tamerlan Rövşən oğlu Ələsgərovdur. O, “Bakı Metropoliteni”ndə polis şöbəsinə gətirilərək dindirilib.

Tamerlan Ələsgərovun bu əməlinə görə relslərdəki gərginlik dayandırıldığı üçün metronun ”Dərnəgül” stansiyasından üzü ”Elmlər Akademiyası” istiqamətində bütün qatarların hərəkəti dayandırılıb. Bu səbəbdən də qatarların hərəkətində 10 dəqiqə gecikmə olub.

“Bakı Metropoliteni”ndə polis şöbəsindən verilən məlumata görə, Tamerlan Əlsgərov İnzibati Xətalar Məcəlləsinin 306.4, yəni “qatar yoluna düşmə və qatarın hərəkətini ləngitmə” maddəsi ilə 50 manat məbləğində cərimə ediləcək. /xezerxeber.az

Milli.Az

Videonu izləmək üçün şəklə klikləyin:
Metroda qatarın yoluna düşüb qaçan gənc olanları danışdı

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Call Now Button Whatsapp