LG X4+ smartfonu təqdim olundu

“LG Electronics” şirkəti qabaqcıl səs imkanları və mexaniki zədələrdən yüksək qoruma səviyyəsinə malik olan “X4+” smartfonunu təqdim edib.

Milli.Az ICTnews-a istinadən bildirir ki, “MIL-STD-810” hərbi standartı üzrə sertifikatlaşdırılmış qurğu yüksək və aşağı temperaturlara (işçi temperatur diapazonu -20°S-dən +60°S-dək təşkil edir), vibrasiya, zərbə və yerə düşməyə qarşı dayanıqlıdır.

Smartfonda 32 bit/192 kHs formatında keyfiyyətli səsi təmin edən daxili rəqəmli-analoq çeviricidən istifadə olunur.

“LG X4+” smartfonu 5,3 düymlük HD displey, 1,4 QHs takt tezlikli dördnüvəli “Qualcomm Snapdragon 425” prosessoru, 2 QB-lıq əməli yaddaş və 32 QB-lıq daxili yaddaşla təchiz edilib.

Aparat 13 meqapiksellik əsas, 5 meqapiksellik ön kameralarla təchiz edilib. Barmaq izləri skaneri, “LG Pay” ödəmə sistemi və “4G LTE”, “Wi-Fi 802.11 b/g/n”, “Bluetooth 4.2”, “GPS” və “NFC” simsiz kommunikasiya vasitələri quraşdırılıb. Qurğu 3000 milliamper/saat tutumlu akkumulyator batareyasına malikdir.

2018-ci ilin yanvarın sonunda satışa çıxarılacaq “LG X4+” smartfonunun qiyməti təxminən 282 dollar təşkil edəcək.

Milli.Az

Digər maraqlı xəbərlər Milli.Az-ın Facebook səhifəsində

Milli.Az-ın ən mühüm və maraqlı xəbərlərini “Telegram”da izləyin