Portağallı keks belə hazırlanır – RESEPT



Musteqil.az İnformasiya agentliyi, Milli.az-a istinadən xəbər verir ki,

Çay saatlarını dadlı şirniyyatla bəzəmək hamımızın ürəyincə olar. Milli.Az ailem.az-a istinadən bu dəfə sizə portağallı keks reseptini təqdim edir.

Lazım olanlar:

3 ədəd yumurta

1 stəkan yarım şəkər tozu

1 ədəd portağal (suyunu və rəndələnmiş qabığını istifadə edəcəyik)

1 stəkan duru yağ

Yarım stəkan süd

1 stəkan yarım un

1 paket vanil 

1 paket qabartma tozu

1 çay qaşığı darçın (zövqə görə)

Hazırlanma qaydası:

3 yumurtanı geniş bir qaba qırın. Üzərinə şəkər tozunu töküb köpənə qədər çalın. Portağalı əvvəlcə sıxın, ardından qabıqlarını rəndələyin. Un, vanil və qabartma tozundan başqa bütün ərzaqları əlavə edib qarışdırın. Ardına unu, vanili, qabartma tozunu birlikdə əlavə edib, qarışdırmağa davam edin. Həmçinin istəsəniz, darçını qarışıma əlavə edin. Portağallı keksinizin çiy qalmaması üçün nə çox duru, nə də çox qatı olmayan bir xəmir hazırlayın. Əldə etdiyiniz qarışımı yağlayıb unladığınız keks qəlibinə boşaldın.

Portağallı keksinizi sobaya qoymazdan öncə sobanızı 150 dərəcədə əvvəlcədən isitməlisiniz. 

Təxminən 40 dəqiqədən sonra bişib bişmədiyinə yaxşıca əmin olmaq üçün keksi kibrit çöpü ilə yoxlayın. Əgər çöpdə xəmir qalmasa, deməli, keksiniz hazırdır. İstəsəniz, portağallı keks dilimlərinizin üzərinə pudra şəkəri səpərək də servis edə bilərsiniz.

Nuş olsun!

Milli.Az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Call Now Button Whatsapp