Misirdə 20 Yanvar şəhidləri anılıb



Musteqil.az İnformasiya agentliyi, Milli.az-a istinadən xəbər verir ki,

Misirdə yaşayan azərbaycanlılar Azərbaycanın bu ölkədəki səfirliyində 20 Yanvar faciəsinin 28-ci ildönümünə həsr olunmuş anım mərasimi keçiriblər.

Diasporla İş üzrə Dövlət Komitəsinin mətbuat xidmətindən Milli.Az-a verilən məlumata görə, tədbirdə səfirliyin əməkdaşları, diaspor nümayəndələri, Qahirə şəhərində yaşayan alan həmvəntlərimiz iştirak edib.

Anım mərasimini giriş sözü ilə açan Azərbaycanın Misirdəki səfiri Tural Rzayev 28 il bundan əvvəl Azərbaycanda Sovet ordusunun dinc əhaliyə qarşı törətdiyi cinayətlərdən danışıb, ümummilli lider Heydər Əliyevin respublikamızın Moskvadakı daimi nümayəndəliyinə gələrək, bu cinayətə qarşı cəsur və mətin mövqe nümayiş etdirdiyini vurğulayıb.

Sonra Misirdəki “Vətənpərvər” – Diaspor Təşkilatları Birliyinin sədri, tədqiqatçı-alim Seymur Nəsirov çıxış edərək 20 Yanvar faciəsi ilə əlaqədar xatirələrindən söhbət açıb, harada yaşamasından asılı olmayaraq hər bir vətəndaşımızın Azərbaycanın haqq səsini xaricdə yaymasının və ölkəmizin milli maraqları naminə fəaliyyət göstərməsinin vacibliyini diqqətə çatdırıb.

Tədbir iştirakçıları şəhidlərin xatirəsini bir dəqiqəlik sükutla yad edib, səfirlikdə 20 Yanvar faciəsini əks etdirən fotostendlərlə tanış olublar. Daha sonra 20 Yanvar faciəsinə həsr olunan sənədli film nümayiş etdirilib.

20 Yanvar faciəsi ilə əlaqədar xəbərlər Misirin Yaxın Şərq Xəbərlər Agentliyində, nüfuzlu və yüksək tirajlı qəzetlərində çap olunub.

Milli.Az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Call Now Button Whatsapp