Qazaxıstanda faciə: 52 sərnişin diri-diri yandı – YENİLƏNİB – VİDEO

11:27

Qazaxıstanda sərnişin avtobusu yanıb.

APA-nın “İnterfaks”a istinadən verdiyi xəbərə görə, bu barədə Qazaxıstanın Fövqəladə Hallar üzrə Komitəsinin rəsmi nümayəndəsi Ruslan İmankulov məlumat verib.

Onun sözlərinə görə, hadisə bu gün səhər saatlarında Samara-Çimkənd avtomobil yolunda baş verib.

“İkarus” markalı avtobusun alışması nəticəsində 52 nəfər yanaraq ölüb. Sərnişinlərdən yalnız 5 nəfəri avtobusdan çıxaraq xilas ola bilib.

Avtobusdakıların hamısı Özbəkistan vətəndaşı olub. 

Yanğının baş vermə səbəbləri araşdırılır.

———-

11:16

Qazaxıstanda faciəvi hadisə baş verib.

Milli.Az Röyter-ə istinadla xəbər verir ki, Aktau şəhərində sərnişin avtobusu yanıb.

İlkin məlumata görə, avtobusda olan 57 sərnişindən, sadəcə, 5-i xilas ola bilib. 52 nəfər yanaraq can verib.

Bəxtiyar Umarlı

Milli.Az

Videonu izləmək üçün şəklə klikləyin: