Connect with us

Maraqlı

Dövlət bayraqlarında nə üçün bənövşəyi rəng yoxdur?

Published

on

Spread the love

Müstəqil.az informasiya agentliyi  xəbər verir ki,

Dünyada mövcud olan 195 ölkənin heç birinin dövlət
bayrağında bənövşəyi rəng yoxdur. Bunun səbəbi isə vaxtilə
bənövşəyi rəngli boyanın böyük zəhmət hesabına əldə edilməsi və
baha başa gəlməsi olub. Bu rəngdən hazırlanan boyalardan yalnız
kral ailələrinin geyimlərində istifadə olunub.

Publika.az xəbər verir ki, ilk dəfə bu rəngdən Suriya və Livanın
dəniz sahillərində yaşamış finikiyalılar istifadə ediblər. Təkcə bu
bölgədə olan dəniz ilbizindən alınan bənövşəyi rəngli boyalar hər
zaman öz bahalılığı ilə seçilib. Livan ərazisində yerləşən Sur
antik şəhərindəki ustalar bu boyanın bir qramını əldə etmək üçün on
minlərlə ilbizdən istifadə ediblər. Gözoxşayan və bahalı rəng isə
tarixboyu krallıq və imperiyaların rəmzinə çevrilib. Vaxtilə
“Finikiya rəngi” kimi tanınan bənövşəyi rəngdən alınan boya
parçanın üzərində uzun müddət parlaqlığını qoruması və günəş
işığında cazibədarlığı ilə zəngin insanlar arasında populyar olub.
Bu rəng Roma, Bizans və Fars imperatorluqları ilə yanaşı, İngiltərə
kral ailəsinin də rəmzinə çevrilib. Kraliça I Elizabet isə özü və
ailə üzvləri istisna olmaqla heç kimə bənövşəyi rəngdə paltar
geyinməyə icazə verməyib. Onun hakimiyyəti dövründə (1533-1603) bu
rəngdə boyanın yarım kiloqramı 1,5 kiloqram qızıla bərabər
olub.

Çox bahalı olan bənövşəyi rəngli boyadan hər kəsin istifadə
etməsi isə XIX əsrdə ingilis kimyaçısı Uilyam Henri Perkinin kəşfi
sayəsində mümkün olub. Alimin Londonda laboratoriyada sarılıq
xəstəliyinə qarşı dərman tapılması üzrə tədqiqatı zamanı səhvən
sintetik bənövşəyi piqment üzə çıxıb. Bənövşəyi rəngli boyanın
bahalı olduğunu bilən Perkin qısa müddətdə fabrik yaradıb və
kütləvi istehsala başlayıb. Bu kəşfdən sonra bənövşəyi rəng də ucuz
və adi boyalardan birinə çevrilib.

Continue Reading
Click to comment

Şərh yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Maraqlı

Ciyərinizdə möcüzə baş verəcək – SEHRLİ MƏLHƏM

Published

on

Spread the love

Müstəqil.az informasiya agentliyi  xəbər verir ki,

Öskürəkdən, sinənizə dolmuş bəlğəmdən əziyyət
çəkirsiniz? O zaman bu resepti yadda saxlayın.

Publika.az xəbər verir ki, daimi öskürək nəinki biz
böyükləri həmçinin immun sistemi hələ tam formalaşmamış körpələri
də narahat edir. Bunun həll yolu isə parçaya bükülmüş
zəncəfildir.

Adətən həkimlər öskürəyə qarşı siroplar məsləhət görürlər. Bu
siropların tərkibində olan dekstrometorfan və kordein maddəsi baş
ağrılarına səbəb olur, yuxusuzluq yaradır.

 

Bu hallar baş verməsin, həm də pulunuz cibinizdə qalsın deyə bir
miqdar bal, zeytun yağı və unu qarışdırın. Üzərinə 1 xörək qaşığı
rəndələnmiş zəncəfil əlavə edin. Məlhəmi parça yaxud salfetin
üzərinə sürtün. Parçanı tənsifə büküb, sinənizə yaxud bel
nahiyənizə qoyun. Üzərini isə plastrla bərkidin. Qəribə isinmə və
azca yanma hiss edəcəksiniz. Odur ki, bu məlhəmi balacalarda 3 saat
böyüklərdə isə bütün gecəni saxlamaq olar.

Leyla Sarabi

Continue Reading

Maraqlı

Bağbana 1 illik həbs – MARAQLI SƏBƏB

Published

on

Spread the love

Müstəqil.az informasiya agentliyi  xəbər verir ki,

Avstriyanın Klaqenfurt şəhərindən olan bağban arıları
qəsdən öldürdüyünə görə, 20 min avro cərimə olunmaqla 1 il
müddətinə azadlıqdan məhrum edilib.

Publika.az xəbər verir ki, bu barədə cümə günü
“Euro-pulse” nəşri yazıb.

Bildirilir ki, 47 yaşlı kişi öz meyvə plantasiyasına pestisid
xlorpirifos vurub. Nəticədə bölgənin arıçılarına məxsus 50
koloniyadan olan arıların ölümünə səbəb olub.

 

Məhkəmə qərara gəlib ki, bağban pestisidlərin bu həşəratlar üçün
təhlükəli olduğu haqda məlumatlı olub. Bundan əlavə, fermerin bu
hərəkəti sonradan zəhərli baldan istifadə edən insanlar üçün
təhlükəli nəticələrə gətirib çıxara bilərdi.

Bağbanın özü məhkəmənin qərarı ilə qətiyyən razı deyil və ondan
appelyasiya şikayəti vermək niyyətindədir. (report)

Continue Reading

Maraqlı

Yemək yeyərkən DANIŞMAYIN! – Əks halda…

Published

on

Spread the love

Müstəqil.az informasiya agentliyi  xəbər verir ki,

Bir çox insanlar bilir ki, yemək zamanı danışmaq olmaz.
Lakin bunun əsl səbəblərini az bir insan bilir.

Beləliklə, yemək zamanı danışmaq nə üçün ziyanlıdır:

1. Yemək zamanı danışan insan yeməklə birlikdə çoxlu hava udur
ki, bu da köpə, həzmin pozulmasına səbəb ola bilər. Bu xüsusilə
mədə-bağırsaq sistemi xəstəliklərindən əziyyət çəkənlər üçün
aktualdır.

2. Yemək zamanı danışan insanda qidanın kiçik hissəcikləri nəfəs
yollarına, sonra bronxlar və ağ ciyərlərə düşə bilər. Bu isə çox
ciddi iltihabların inkişafına səbəb ola bilər. Qidanın ağciyərlərə
düşməsi çox ağır pnevmoniyanın (sətəlcəm) inkişafına gətirib
çıxarda bilər.

 

Nəfəs yollarına düşən iri qida tikəsi onları tam bağlaya bilər
ki, bu da asfiksiyaya və insanın həlak olmasına səbəb ola
bilər.

3. Sübut olunub ki, yemək zamanı danışan insan lazım olandan
daha çox qida qəbul edə bilər ki, bu da artıq çəkinin yığılmasına
gətirib çıxarda bilər.

4. Alimlər sübut ediblər ki, yemək zamanı danışan insan yeməyin
dadını daha az hiss edir və yeməkdən zövq almır.

Continue Reading

ən çox oxunanlar

WP Facebook Auto Publish Powered By : XYZScripts.com